نشر الإعلامي المصري الساخر باسم يوسف وبرفقته الدكتور عصام حجي فيديو بمناسبة الذكرى الـ 2 لجهاز “فيروس سي”، وقال باسم: “النهارده يا جماعة معانا الدكتور عصام حجي في ذكرى مرور سنتين على جهاز الكفته اللي كان المفروض هيساعد ملايين المرضى، ويدخلنا عملة صعبة، ويطلع مصر من عثرتها، دكتور عصام حضرتك كنت قريب من دوائر صنع القرار، حضرتك شفت الجهاز”.
ورد عليه “حجي” قائلا: “أيوة شفت الجهاز وفكيته وفتحته ولما تفتح الجهاز بتلاقي فيه أريال، طالع منه سلكين، متوصل بقاعدة بلاستيك، وجوة الجهاز المختصين قالولي إن الجهاز كان فيه حجر مكي بيساعد في لقط الإشارات اللي بتيجي من الفيروسات ومفيهوش أي شيء إلكتروني أو كهربي من داخله، الحجر المكي دا هو بيهدي الجهاز، أو يهدي العيانين”.
وأضاف باسم: “عايزين نفكر الناس إن الدكتور العظيم جمال شيحة، اللي هو عمل الجهاز ده، بقى عضو مجلس الشعب بالتعيين، مختار يعني، وطبعا الدكتور عبدالعاطي اللي إحنا مش عارفين هو فين لحد دلوقتي، أكيد بيعمل دراسات كونية”.
وفي النهاية قال “باسم”: “شكرًا يا جماعة وإحنا آسفين جدا بجد، وهابي كفتة تو إفري وان”.
بالفيديو .. باسم يوسف وحجي ينشران فيديو بمناسبة ذكرى جهاز الفيروسات: “هابي كفتة”
https://youtu.be/bzbPojjFOVY
